«Բազմազանություն» ՀԿ-ն ստեղծվել է 2019 թվականին, որի գործունեության նպատակն է նպաստել բազմակարծության և բազմազանության տարածմանը, ինչպես նաև զբաղվել խոցելի ու թիրախավորված անձանց սոցիալականացմամբ և շահերի պաշտպանությամբ, նպաստել ՀՀ-ում մշակութային բազմազանությանը, քվիր մշակույթի զարգացմանը և մարդասիրության գաղափարախոսության տարածմանը։
Կազմակերպությունն իր առջև խնդիր է դրել աջակցել քաղաքացիական, երիտասարդական, կրթական, բնապահպանական նախաձեռնություններին մարդու իրավունքների, կրթության, մեդիայի, առողջապահության, մշակույթի, բնապահպանության, գյուղատնտեսության, զբոսաշրջության, հասարակական, համայնքային զարգացման և կյանքի այլ ոլորտներում։
Մյուս կողմից հանրային բոլոր ոլորտներում խթանել ԼԳԲՏՔ+ անձանց, կանանց ու աղջիկների, ազգային և մշակութային այլ ինքնություն, նաև հաշմանդամություն ունեցող անձանց մասնակցությանը, այդ թվում՝ մարդու իրավունքների, կրթության, մեդիայի, առողջապահության, մշակույթի, բնապահպանության, գյուղատնտեսության, զբոսաշրջության, հասարակական, համայնքային զարգացման և կյանքի այլ ոլորտներում։
Մենք հավատում ենք, որ խոցելի ու թիրախավորված խմբերի միջև բարեկամական հարաբերությունների հաստատումը էականորեն կարող է խթանել ժողովրդավարական արժեքների տարածմանը և դրական փոփոխություններին, ուստի մենք մշակույթի ոլորտում խթանում ենք ԼԳԲՏՔ+ անձանց, կանանց ու աղջիկների, ազգային և մշակութային այլ ինքնություն, նաև հաշմանդամություն ունեցող անձանց ակտիվ մասնակցությանը, այդ թվում՝ կինոյի, թատրոնի, կերպարվեստի, երգ-երաժշտության, ժամանակակից արվեստների, փողոցային արվեստի, լուսանկարչության և այլ ոլորտներում։
