«Բազմազանություն» ՀԿ-ն հիմնադրվել է 2019 թվականի ապրիլի 26-ին, սակայն 2022 թվականից սկսած ԲՍՄԻ ՀԿ-ի թիմը որոշեց նշել իր տարեդարձը մայիսի 1-ին՝ աշխատավորների միջազգային օրը՝ կրկնակի կարևորելու օրվա նշանակությունը։

«Բազմազանություն» ՀԿ-ն հիմնադրել են մի խումբ ԼԳԲՏ և համախոհ ակտիվիստ երիտասարդներ, որոնք կարևորում էին խոցելի ու թիրախավորված խմբերի իրավունքների պաշտպանությունը և կենսակենտրոն բազմազանության գաղափարախոսությունը, որի համար էլ որոշեցին կազմակերպությունը կոչել «Բազմազանություն»։

Կազմակերպության թիմը ներառում է կազմակերպության անդամներին, կամավորներին և աշխատակիցներին։ Այդուհանդերձ, հաշվի առնելով կազմակերպության գործունեության խոցելիությունն ու զգայունությունը, թիրախավորումներից խուսափելու համար թիմը բաժանվում է ներքին և արտաքին անդամների։ Ներքին աշխատակիցներ ասելով մենք հասկանում ենք այն անձանց, որոնց մասին հանրային տեղեկություններ չենք հրապարակում, իսկ արտաքին ասելով հասկանում ենք այն անձանց, որոնց մասին հրապարակում ենք։
Այստեղ կարող եք տեսնել կազմակերպության արտաքին թիմակիցներին։

«Բազմազանություն» ՀԿ-ի արժեքներն են մարդու հիմնարար իրավունքներն ու ազատությունները, էկո զգայունությունը, ներառականությունը, մարդու անվտանգությունը, թափանցիկությունը և հաշվետվողականությունը։

«Բազմազանություն» ՀԿ-ի գործունեության հիմքում ընկած է բազմազանության գաղափարախոսությունը, ըստ որի մենք կարևորում ենք խոցելի խմբերի իրավունքների պաշտպանությունը և այդ խմբերի միջև բարեկամական հարաբերությունների հաստատումը։

Մյուս կողմից կազմակերպությունն աշխատում է նաև ֆեմինիստական ուղղվածությամբ, քանի որ կարևորում է գենդերային հիմնահարցերը, որոնք վերաբերում են երիտասարդ ԼԲՏՔ+ կանանց ու աղջիկներին։

Կազմակերպության գործունեության նպատակն է նպաստել բազմակարծության և բազմազանության տարածմանը, զբաղվել խոցելի ու թիրախավորված երիտասարդ անձանց սոցիալականացմամբ և իրավունքների պաշտպանությամբ, ինչպես նաև նպաստել ՀՀ-ում մշակութային բազմազանության զարգացմանն ու ընդունմանը։
Կազմակերպության առաքելությունն է ստեղծելով ապահով, արժանապատիվ և մարդու ազատ ինքնաիրացման համար նպաստավոր միջավայր, իրականացնելով երիտասարդ ԼԳԲՏՔ+ անձանց, կանանց ու աղջիկների իրավունքների պաշտպանություն` նպաստել նրանց խնդիրների բարձրաձայնմանը։

Տեսլականն է բազմազան մշակույթն ու բազմակարծիք հասարակությունը, որում յուրաքանչյուր երիտասարդի համար առկա են հավասար հնարավորություններ՝ անկախ սեռից, սեռական ուղղվածությունից և գենդերային ինքնությունից։

«Բազմազանություն» ՀԿ-ն աշխատում է

• իրավապաշտպան,
• սոցիալական,
• կրթական,
• տեղեկատվական ուղղություններով։

Կազմակերպության թիրախում են երիտասարդ ԼԳԲՏՔ+ անձինքն։

«Բազմազանություն» ՀԿ-ի կողմից իրականացված ծրագրերին կարող եք ծանոթանալ այստեղ։

Կազմակերպությունը մատուցում է․

• Ոչ-ֆորմալ կրթական ծառայություններ,
• Իրավախորհրդատվության ծառայություններ,
• Ինքնահոգատարության ազատ խորհրդատվություններ,
• Համակողմանի աջակցություն երիտասարդական նախաձեռնություններին՝ գաղափարների իրականացման համար։

Կազմակերպության նորություններին կարող ես հետևել սոցիալական մեդիա հարթակներում (Ֆեյսբուք, ինստագրամ, յութուբ, թվիթթեր, լինկդին), ինչպես նաև վեբկայքում այստեղ, իսկ փոդքասթերի թողարկումներին այստեղ։

Եթե ուզում ես միանալ կազմակերպությանը, ապա անցիր այս հղմամբ և լրացրու համապատասխան դաշտերը։

ԲՍՄԻ ՀԿ-ի վեբկայքի ընտրացանկում դու կգտնես Բազմազանություն պատուհանը, որտեղ բացի անհրաժեշտ տեղեկություններից բազմազանության մասին, կարող ես թողնել քո գաղափարը, որից հետո կարող ես սպասել, մինչ կազմակերպության թիմը կապի դուրս կգա քեզ հետ։

Թիրախավորումներից խուսափելու ու կազմակերպության թիմի և շահառուների անվտանգության ապահովման համար մենք չենք հրապարակում մեր գրասենյակի հասցեն։ Կարևորում ենք տեղեկացնել, որ մենք հաճախ աշխատում ենք օնլայն։ Եթե ուզում ես այցելել կազմակերպություն, առաջարկում ենք կապի դուրս գալ մեզ հետ հետևյալ կոնտակտային տվյալներով․ 

• ngo.divercity@gmail.com
• +37455793507

Վեբկայքի ընտրացանկում դու կգտնես «Հետադարձ կապ» պատուհանը։

Կազմակերպության կոնտակտներն են ներքոնշյալ էլեկտրոնային հասցեն և հեռախոսահամարը։ Կարող եք օգտագործել նաև կազմակերպության սոցիալական մեդիա հարթակները։

• ngo.divercity@gmail.com
• +37455793507