Սոցիալական և մշակութային գործոնները հզոր ազդեցություն են ունենում անձի ձևավորման վրա: Հոմոֆոբիան չի հանդիսանում մարդու ի ծնե հատկություն, այն ձեռք է բերվում արտաքին աշխարհից: Պատրիկ Գրժանկան, որը Թենեսիի համալսարանում հոգեբանության պրոֆեսոր է, իր հետազոտությունների արդյունքում պարզել է, որ հոմոֆոբիան կապ ունի կարծրատիպերի հետ: Հետազոտության շրջանակներում առանձնացնելով ԼԳԲՏՔ+ անձանց մասին պատկերացումների չորս դասակարգում, հարցումների միջոցով արձանագրել է, որ ամերիկացի ուսանողների մեծամասնությունը համաձայն է այն պնդմանը, որ մարդիկ ծնվում են իրենց սեռական ուղվածությամբ։ Այս կետի հետ համակարծիք են եղել հարցմանը մասնակցող բոլոր տեսակ սեռական ուղվածություն ունեցող անձինք։
Մյուս երեք կետերից էին այս մտքերը․
- միևնույն սեռական խմբին պատկանող բոլոր մարդիկ նման են իրար,
- անձը կարող է պատկանել միայն մեկ սեռական խմբի,
- եթե դուք ծանոթանում եք խմբից որևէ մեկի հետ, դուք իմանում եք ողջ խմբի մասին։
Սակայն, մյուս երեք պնդման հետ համաձայն անձանց մոտ նկատվել է բացասական վերաբերմունք ԼԳԲՏՔ+ նկատմամբ:
Գրժանկան այս երևույթն անվանում է մարդկանց գիտակցության «ենթադրյալ նախապատվություն», որն իրենց օգնում է ընդունել որոշակի կարծրատիպեր: Նա գտնում է, որ կրթությունն ու իրազեկվածությունը հանդիսանում են ամենահուսալի միջոցները մարդկանց միջև հարաբերություններում նման կարծրատիպերը հաղթահարելու համար, ինչը կարող է հանգեցնել հոմոֆոբիայի նվազեցմանը:
#DiverCityNGO #ԲազմազանությունՀԿ #ДайверситиНПО #Diversity #Բազմազանություն #Разнообразие #LGBT #HumanRights #LGBTRights #DCNGO #DiverseSociety #ԲազմազանՀասարակություն
