Հարգելի՛ գործընկերներ սիրով տեղեկացնում ենք, որ մենք՝ «Բազմազանություն» սոցիալ-մշակութային, մարդասիրական ՀԿ-ն, ԵՄ ֆինանսական աջակցությամբ իրականացվող «Արևելյան գործընկերություն» նախաձեռնության «Adapt-an-App Sprint» ծրագրի շրջանակներում իրականացնում է «Companion Map Armenia» ծրագիրը, որի շրջանակներում Կազմակերպությունը ստեղծում է «provodnik.online» հավելվածի հայաստանյան տարբերակը՝ «Ուղեցույցը»։

«Ուղեցույցն» ինտերակտիվ քարտեզ է, որի վրա տեղորոշված են հանրային վայրերն՝ ըստ դրանց մատչելիության հաշմանդամություն ունեցող անձանց համար: Հավելվածում ներառված է լինելու ՀՀ ողջ տարածքը։ Քարտեզում վայրերի մատչելիության տեղորոշումն իրականացվում է հավելվածը ներբեռնող և օգտագործող անձանց կողմից թողնված կարծիքների ու գնահատականների միջոցով (մատչելի է, մատչելի չէ, կիսով չափ է մատչելի և այլն)։ Շուտով հավելվածը կանցնի թեստավորման գործընթաց, որից հետո կգործարկվի, որի համար կազմակերպությանն անհրաժեշտ է տեղեկատվություն և աջակցություն համալրելու ու հստակորեն տեղորոշելու բոլոր վայրերն ու տարածքները։ Ի սկզբանե պլանավորում ենք տեղորոշել Երևանն ու Վանաձորը, որի համար հրավիրում ենք համագործակցության ոլորտում գործող բոլոր կառույցներին, ՔՀԿ ներկայացուցիչներին, անհատներին, ակտիվիստներին և բոլոր հետաքրքրված անձանց։ 

Հավելվածի կատարելագործման համար Կազմակերպությանն անհրաժեշտ տեղեկատվությունը ներառում է  Հայաստանում գտնվող կառույցների, շինությունների և բոլոր այն վայրերի մատչելիության մասին բնութագիր, որոնք ունեք, և/կամ վիճակագրական տեղեկատվություններ։ Մասնավորապես․

  • Թեքահարթակի առկայություն,
  • Վերելակի առկայություն և մատչելիություն,
  • Մատչելի զուգարանի առկայություն,
  • Արդյո՞ք դռների լայնությունը բավարար է շարժասայլակի ելումուտի համար,
  • Հետիոտնային անցումների մատչելիություն,
  • Շարժասանդուխքի առկայություն և մատչելիություն,
  • Տեղափոխման հարմարավետություն,
  • Սահմանափակող կառույցներ (սյուններ, հատուկ ծածկույթ և այլն),
  • Տեսաձայնային ու ձայնային ազդակակիրների առկայություն,
  • Վերակառուցման ենթակա կամ վատթար վիճակում գտնվող կառույցներ և հաստատություններ և այլն։ 

Կազմակերպությունը հավատարիմ է մնում իր արժեքներին և շարունակում աշխատել խոցելի ու թիրախավորված անձանց համար։

Հետևեք ծրագրի վերաբերյալ տեղեկատվությանը այս հեշթեգների միջոցով․

#CompanionMapArmenia #CMA #UghecuycArm #Ուղեցույց #DiverCityNGO #ԲազմազանությունՀԿ #ДайверСитиНПО #Diversity #Բազմազանություն #Разнообразие #LGBT #HumanRights #LGBTRights #DCNGO #DCProjects #Queer #LGBTPeople #PeopleWithDisabilities